لازانيا مكسيكية
- 500 غم لازانيا غير مسلوقة
- رشة جبنة شيدر
- باكيت كبير شيبس تورتيلا مكسر
- 1 بصلة مفرومة
- 3 سنان ثومة مهروسة
- 1/2 كيلو لحمة مفرومة
- رشة ملح و فلفل اسود
- رشة كمون و كزبرة
- رشة اوريغانو و بابريكا
- رشة ثوم و بصل بودرة
- رشة بودرة مرق الدجاج و رقائق الفلفل الاحمر
- 3 حبات فليفلة حلوة
- حبتين فلفل هالبينو
- علبة ذرة
- علبتين فاصوليا حمرا
- حبتين كبار بندورة مبشورة
- ملعقتين كبار صلصة البندورة
- رشة سكر
- 1/2 كاسة مية
- رشة كزبرة خضرا مفرومة ناعم
- 1/2 عود بصل اخضر
- للبشاميل
- 5 كاسات حليب سائل
- 5 ملاعق كبيرة طحين
- 50 غم زبدة
- ملعقتين كبار زيت نباتي
- رشة ملح و فلفل اسود و بودرة مرق الدجاج
- رشة جبنة قشقوان او موزاريلا
الخطوات
للصوص يقلى بصلة لتذبل يضاف توم مهروس يضاف لحمة لتستوي رشة ملح، فلفل اسود، توم باودر و بصل باودر، اوريغانو، بابريكا، كمون، كزبرة، مرق الدجاج باودر وشطة حمرة مجروشة
يضاف فليفلة و فلفل هالبينو
يضاف ذرة و فاصوليا حمرا ويقلب (ماتسوي كتير الخضرة لانه حتكمل سواها بالفرن)
يضاف بندورة و صلصة البندورة و رشة سكر و مية وتترك شوي لتغلي اخر شي رشة كزبرة خضرة مفرومة ناعم و نص عود بصل اخضر مفروم
للباشميل على نار هادية تذوب الزبدة مع ملعقتين كبار زيت يضاف الطحين مع التقليب بدون مايتغير لونه بس يتجانس مع الزبدة
يضاف الحليب بالتدريج مع التحريك المستمر لتغلي و تتكاثف يضاف رشة ملح و فلفل اسود و مرق الدجاج باودر اخر شي يضاف جبنة موزاريلا
بجاط يوضع شوية بشاميل وطبقة لازانيا و من الحشوة و بشاميل وهيك طبقات اخر شي يوضع بشاميل وتدخل الفرن لتستوي يوضع رشة جبنة شيدر و عليها شيبس تورتيلا مكسر وبترجعي ها للفرن لتسيح الجبنة
بالهنا والشفا
